Sin palabras, no se puede hablar

(Con la melodía "Ama Euskadi" de Etxahun Iruri)

Markina ta Xemein baturik

aurrerantz ekin ta ekin

Amallo auzo xume dena

altxatu dute eskukin.

Mendi ibilbideak lotuz

pausoz-pauso elkarrekin,

une eder hau partekatzea

diruaz ordaindu ezin.

Zaila dena dirudiena

erraza dena zuekin,

malkoak erortzen zaizkigu,

hitzik gabe, ezin hitz egin.

Naturaren bidezidorrak

zabaldu dira oneski,

amalurrak onartu gaitu

bere baitan jeneroski.

Kondairak eta bertso anitz,

zoragarria nahaski,

hain gaiztoak ez diren lami,

hain handia den euliski.

Altxor hori guztia eskainiz

eskerrak ez dira aski,

gure motxilan badaramagu

zuen herriaren saski.